понедельник, 30 января 2012 г.

Хyнэй хубуун энээние ойлгохо еhотой

Заруулжа гэртээ үзѳѳгүй, Залхуу, тулюур басагад Хүнэй хүбүүдые зобоожо, Хуби заяаень тѳѳрюүлдэг.
Оёжошье, нэхэжэшье шадахагүй, Угааха, аршахашье дурагүй, Эдеэ угаашье шанахагүй, Унтажа үдэрѳѳ үнгэргэхэ.
Тэрэнээ багсааха ухаангүй, Тэнгэриһээ тэб байса Толгой дээрэнь унажа, Хэмгүй ехэ жаргал Хүбүүндэ бууһандал һанажа,

Ехэ юумэн боложо, Ёһорхожо нүхэртѳѳ хэбтэхэ. «Хорин табан жэл соо тэжээһэн Хүбүүнэйшни тархи,
һамган хоёр хоногой туршада Хайшаньшье эрьюулжэ шадаха,
Һамгатайгаа хоёр хоноод, хүбүүншни Һамганһаа гараһан шэнги болохо» - гэжэ, Хурса ухаатай нютагамнай эхэнэр Ходо иигэжэ хэлэгшэ бэлэй.
Тулюурһаа үлүү туһагүй Тулюур нүхэр байха, Хүндэшье ѳѳртѳѳшье абаригүй, Хамагай дарамта болохо.
Хэдышье бэрхэ хүбүүн аад, Хуби заяаниинь буруутажа, Муу һамга абабал, доройтожо, Мэдэхэ юумэнь үгы болохо.
Ѳѳрын зориггүй байбал, бүришье, Алюминин порооболхо шэнги, Иишэ тиишээ нугаржа, Эжы абынгаа наһанай һургаал Онтохон шэнгеэр һанаха…


ССЫЛКА: жми на ссылку

ЖЖЖЖЖЖЖЖЖЖЖЖЖЖЖЖЖЖЖЖЖЖЖЖЖЖЖЖЖЖЖЖЖЖЖЖЖЖ

Хүнэй наhан. Хүнэй наhан уташье Хүнэй наhан богонишье Гүлмэрхэн хүүгэд ябахадаа Ухаангүй утаар hанахаш даа Эжы абын хажууда Эльгэ дүрэн үндыхэш Элүүр солбон бэеэ үтэлшэгуйгөөр бодохош Холшор залуухан Хореодхон наhандаа Халуухан дуран соо Хүхюутээ зугаалхаш Гушаадхан наhандаа Габшагай зандаа Ганзага нэгэтэй Гэрлэжэ hуухаш Дүшэ наhан хүрэхэдөө Дуран соогоо ябахаш Дүлэтэ дуран Дахин дайраад абахал Түбшэн таби наhандаа Тогтоhойб гэжэ hанахаш Түгэлдэр шамбай хаhаяа Удаанай бэшынь мэдэрхэш Жаранай дабаанда Жаргахаа хүсэхэш Жаахан ашанараа Заатагүй абалсахаш Дала наhа хүрэхэдөө Дүүрэнтөө даа гэжэ hанахаш Далда орохо дурагүй Дабшахаа саашаа жүдхэхэш Наян наhатай болоо hаа Нүгэлөө наманшалжа hуухаш Нарата юртэмсы орхеош hаа Наhалааб даа гэжэ сэдьхэхэш Ерэнэй эгсэ үндэртэ Ерэдэг зомной хомор даа Ехэл буянай туhаб даа Ерэ наhа хүрэхэмнай Ута гэхэдэ богони Оройдо зуушье хүрэхэгүй Богони гэхэдэ ута Элдэб юумэ үзэхэш Энэл нэгэ наhан соо






Комментариев нет:

Отправить комментарий

Примечание. Отправлять комментарии могут только участники этого блога.